... = ...S A N A ... = ...
tigierz /2004/

Sa twing darating ang eleksyon,

Lahat ay umaasa sa bagong administrasyon.
Piso kaya'y muling makabangon,
At malagpasan ang bawat hamon?

Sana'y umunlad na ang bayang Pilipinas.
Malayo sa hirap at mga pulitikong ahas.
Nang sa gayo'y bayan nati'y umunlad,
Pagkat ito'y kaytagal nang hinahangad.

Sana sa bagong administrasyon,
Masupil na ang kurapsyon,
Nang sa muli, Pilipinas ay makaahon,
At magkaron ng pag-asa ang bagong henerasyon.

Sana'y malutas na ang kahirapan,
Sana'y maayos na ang lipunan,
Sana'y lumago na ang ating kabuhayan,
At sana mga "sana" ay mauwi sa katotohanan.

ESPERANZA
tigierz /2004/

"La juventud es la esperanza dela patria."
-Jose P. Rizal


Isa, dalawa, tatlo... mga pulubi sa lansangan,
Sa puso nyo'y kakatok sa tuwing pagmamasdan.
Sa makabagong panahon, silang mga kabataan,
Maituturing pa kayang pag - asa ng bayan?

Ang magulong lansangan ang kanilang tahanan,
Awa ng madla, kanilang inaasahan.
Baryang ihahandog, sa twina'y inaasam,
Pagkat sila'y musmos, sa mundo'y walang muwang.

Mga magulang kaya nila ay nasaan,
At naatim nilang sila'y pabayaan.
Paano na ang kanilang kinabukasan,
Kung buhay nila'y sira na sa kasalukuyan?

Sa pagdaan ng panahon, sila kaya'y katatakutan?
'Pagkat baka sila'y hari na ng lansangan.
Silang sagisag na ng pambansang kahirapan,
At ituturing na kanser na ng lipunan.

GRADUATION
tigierz /2002/

Kaybilis na lumipas ang apat na taon,
Halos 'di napansin ang nagdaang panahon.
At sa ganda ng isang makulay na kahapon,
'Di inaasahang darating ang isang ngayon.

Mga magsisipagtapos pagtuunan ng pansin,
Ang mababakas pinaghalong damdamin.
Sa ilan ay lubos ang tunay na kagalakan,
May ilang 'di maitago, kanilang kalungkutan.

Sadyang kayhirap tanggapin sa damdamin,
Na kahapon 'di na muling darating.
Kung mga alaala'y nais muling balikan,
Tanging pagbabalik tanaw iyong maaasahan.

Ang buhay eskwela nakalibang sa ilan,
Lalo na sa ibang masasaya ang karanasan.
Halos buong linggo, lumilipas sa paaralan,
Ang ganitong nakasanayan ang ayaw maiwanan.

Tunay lahat ng bagay ay mayroong hangganan,
Ngunit lagi nating pakakatandaan,
Ang graduation ay hindi katapusan,
Kundi simula lamang ng bagong kinabukasan.

YOU

IKAW
tigierz /2002/

Ikaw, ikaw, ikaw...
Itinuring kong 'sang tunay na kaibigan,
Sa lahat ng oras aking maaasahan,
Tanging uunawa sa aking mga kahinaan,
Ay siyang makakasama magpakailan pa man.

Ikaw, ikaw, ikaw...
Itinuring kong higit pa sa kapatid,
Na tanging sa buhay ko'y walang kapalit,
Kaya't pagdurusa n'yo hatid sa puso ko'y pasakit,
Kaya naman tuwa't galak nais ko sa bawat saglit.

Ikaw, ikaw, ikaw...
Itinuring kong katangi-tanging makakasama,
Na sa t'wing kapiling ko'y bawat oras ay ligaya,
Kaya pati sa pagtulog ko'y asam ko ang umaga,
Nang sa muli, buong araw tayong magkasama.

Ikaw, ikaw,ikaw... kayong lahat!!!
Inakala kong tunay na mga kaibigan,
Inakala kong kapatid na masasandigan,
Inakala kong kasamang maasahan,
Ngunit... ang lahat pala'y kabulaanan

= B A R K A D A H A N =
TIGIERZ /2002/


Mula sa iba't ibang lugar na pinagmulan,
Tayo'y pinagtagpo ng ating kapalaran.
Nagkakilala't agad nagkapalagayan,
Hanggang unti-unti'y nabuo ang barkadahan.

Sa tuwi-tuwina tayo'y magkakasama,
Hindi lamang sa hirap kundi maging sa ginhawa.
Alam nating tayo'y di lamang magkakabarkada,
Kundi tayo'y isa nang malaking pamilya.

Minsa'y tunay na mapagbiro ang kapalaran,
Tila sinusubok ang tatag ng ating samahan,
May mga tampuha't 'di pagkakaunawaan,
At pagbabangayan ang agad na hinahantungan.

Subalit dahil tayo'y tunay na magkakaibigan,
Hindi natin matiis ang 'di pag-iimikan.
Kung kaya't tinatanggap ang bawat kamalian,
Upang sa muli ay mabuo ang samahan.

Salamat na lamang at may mga kaibigan,
Ating nakakasama, ating maaasahan.
Tangi kong hiling sa bawat kong panalangin,
Sana'y hanggang wakas... buo ang barkadahan.

BUHAY HAYSKUL
tigierz /2001/

Sa unang pagbungad sa harap ng paaralan;
Pinaghalong tuwa at kaba ang siyang naramdaman,
Tuwa sa bagong karanasang haharapin,
Kaba sa pag-aakalang hirap ang daranasin.

Maraming kaibigan agad kong nakilala;
Mukha ng mga guro'y tunay na kaaya-aya,
Bagong tanawin ng paarala'y makikita,
Na para bang sa aki'y lubos na nakahalina.

Ang buhay hayskul tunay ngang nakalilibang,
Lalo na't marami ang masasayang karanasan.
Kahit na minsa'y mahirap ang pinag-aaralan,
Basta't nandyan ang barkada, tuloy ang kasiyahan.

Tunay kung may saya, may hirap ding daranasin.
Nandyan at patung-patong mga takdang aralin,
Mga tanong sa pagsusulit, tila walang kasagutan,
At ang mga proyektong sa akala'y wala nang katapusan.

Ang buhay hayskul tunay ngang kasiya-siya,
Kung ang lahat ng paghihirap ay iyong makakaya,
At ang pagsuko ay kalimutan mo na,
Dahil ang buhay hayskul, walang kaparis talaga!

ZECRET?

LIHIM
tigierz /2001/


Minsang kita'y masilayan, alam mo ba sinta?
Puso ko'y napukaw, napuno ng ligaya.
Napunan mo ng kulay ang buo kong daigdig,
Marahil ito na yata ang una kong pag - ibig.

Sa araw-araw nais kitang masilayan,
Dahil para sa akin, ikaw ang kaligayahan.
Sana pag-ibig ko'y huwag mong mapansin,
Lalo na sa aking mga nakaw na tingin.

Kahit sa pagtulog, ikaw pa rin sa 'king isip,
Inaasam ko makita ka sa panaginip.
Kung 'di man mangyari, gabi ko'y anong inip,
Kaya't nais ko sa umaga'y agad kang masilip.

Tunay anong saya kung ikaw'y makausap,
At ang pakiwari ko, ako'y nasa ulap.
Tila walang problema akong nalalasap,
Sa sandaling ikaw ay akin nang kaharap.

Sana'y 'di na matapos ang tuwa sa damdamin,
Dahil ang tulad nito'y kay hirap nang hanapin.
At kung sakali mang ito'y isang patikim,
Unang pag-ibig ko'y mananatiling lihim...

SECRET???

LOTS OF FUN INSIDE THE HOYOP - HOYOPAN CAVE in CAMALIG ALBAY PHILIPPINES... last January 3, 2009

This was taken last December 19, 2009... (as if there's no date on it.. hehehe) it's a blue Christmas for me that's why there's a blue candle to show how I feel.. hehehe... the candle holder stuff which obviously I know you can identify (lol) was made by no other than me... believe it or not...
Well, I felt kinda bored the day I made it.. with the help of my imagination I rolled some strips of old newspapers then piled them and painted it with silver... then I just added a sort of mistletoe (hope Im right) for an accent...

It turned my lips into a smile right after I've done it... For sure it'll be placed again on the center table for the next christmases.... Really love it!!!!

WANT TO ORDER???